ESKU HARRIAK: Oteizaren (h)aria

→ Kalean

Zuzendari Artistikoa: Beñat Ralla Yusta

Dantzariak: Jone Amezaga del Frago eta Ioritz Galarraga Capdequi

Musika eta musikariak: Iñar Sastre Lopetegi eta Beñat Ralla Yusta

Kanpo begirada: Eneko Balerdi Eizmendi

Bertsoak: zuzeneko bertsolaria, aldioro ezberdina

Eszenografia: Beñat Ralla Yusta

—

Iraupena: 30 min (eskaeraren arabera gutxiago edo gehiago aretoko pasarteekin)

Ikuslegoa: publiko guztiak

Lan honek Jorge Oteiza artista polifazetikoak bere ibilbide aberatsean jorratutako iruditeri anitzaren berrirakurketa propio bat egiten du. Era honetan, mugimenduak eta musikak batetik, eta nortasun handiko eszenografia xume baina iradokitzaileak bestetik, eskaintzen dituzten baliabide metaforikoei esker, harrespila (cromlech-a), hutsunea, espazioaren trataera mamitsu eta moldagarria, desokupazioa, eskultura, “Laboratorio de Tizas” delako bilduma, musika seriala eta konkretua, bertsolaria, txalaparta, Ez Dok Hamaihiru, hitza, haurra etab. bezalako elementuei keinu eginez Oteizaren unibertso zabal eta partikularra gogora ekarri eta berreraiki nahi da.

Mugimenduaren (dantza), musikaren, eskulturaren, hitzaren, hotsen, espazioaren trataeraren… harilkatze fin baten bitartez ikuslea oharkabean aipaturiko elementu horietatik guztietatik bidaiaraziko da MugMus Laborategiak eginiko irakurketa propio honen bitartez.

Kale aldaeran bertsolari ezberdin bat aritzen da emanaldi bakoitzean. Orain arte 30 bat bertsolari aritu dira beste horrenbeste emanalditan.